鮨千寿 (屯門市廣場1期) (已結業)

生日决定去食日本菜，但屯门好食嘅寿司店较少，最后决定试下呢间。7pm前结帐有9折优惠，早食晚餐嘅比较着数🤣一行三人，6pm入座，食咗一个寿司拼盘、和牛粒炒饭、牛肉乌冬、渍牛蒡、烧饭团。和牛粒炒饭系意料之外地好食，粒粒分明，有镬气，调味恰到好处，口感好好。12件寿司拼盘，价钱其实系略贵(接近400)，但胜在新鲜，三文鱼子胀卜卜，好好味。埋单$6XX以下，可以接受。服务有礼唔hard sell，6pm入座冇乜人，桌上有块小木板写咗时令鱼同推荐嘅小菜。当系庆祝/生日饭的话，可以接受。