源記餐廳

营业中

休息中

OT放工行过入嚟食个晚餐，因为太夜所以冇晒炒粉面，于是叫咗一碗五香牛腩捞面同埋一碗鲜虾云吞墨鱼丸面。牛腩捞面都有几多牛腩，牛腩够腍身，厚薄适中，入口食到好香嘅五香味，捞面系用蚝油捞，唔会太干身，面够弹牙，有蛋香，另外会附送一碗汤，所以可以加少少汤落啲面度，又系另一种食法。至于鲜虾云吞墨鱼汤面都系好大碗，鲜虾云吞都好大粒，一咬落去已经食到鲜虾，馅料好丰富。而墨鱼丸系自家制，好弹牙，超有墨鱼味！食咗咁多肉梗系要食返啲菜，呢度啲油菜都几抵食，$20一碟，叫咗一碟生菜一碟菜心，大大碟，啲菜好新鲜，好爽，唔会住得过老。食完仲未够喉，所以我哋就叫咗一大炸猪扒过吓瘾，炸猪扒真系新鲜炸出嚟，炸到金黄色，外脆肉嫩，真系好香口！