安南 (利園) (已搬遷) 新店位置

今日同一班朋友黎左铜锣湾安南食lunch，店内以湖水绿为主调，装修带有越南怀旧风情，地方亦都十分宽敞。安南嘢食分量都大，好适合大家一齐开心share。我地一行6个人，嗌左5个菜(春卷、炭烧猪肉、墨鱼饼、咖喱牛腩、)同3个甜品(椰青啫喱、咖啡奶冻、焗黑糯米西米布甸)，个个都食到好饱。春卷香脆可口，点sauce酸酸甜甜，包埋生菜就清爽啲。墨鱼饼出嚟𠮶阵仲几热，香口得来又咬到墨鱼粒。炭烧猪肉个人最中意呢道菜，有猪肉丸同猪肉片。味道甜甜地，炭烧几香，加埋少少油脂香，jeng。咖喱牛腩咖喱香料味香，有少少辣。牛腩入味又够淋，牛筋都啱啱好，仲有法包可以蘸咖哩汁食。椰青啫喱三个甜品入面最中意呢个，可惜唔记得影呢个。佢哋话个椰奶雪糕系自家制嘅，有椰肉丝，味道比较甜，但系加埋个清清地嘅椰青啫喱就啱啱好互补左个甜味，罪恶感即时减低左。咖啡奶冻呢个就普通嘅咖啡奶冻味，都okay嘅，但唔系突出。焗黑糯米西米布甸呢个都好食嘅，上面个层系西米布甸，底个层系黑糯米，比较有饱足感嘅一个甜品。