Triple King Cafe (已結業)

同同事lunch聚旧，佢钟意呢间野食好味，就排队试下。我闻到㕑师煎的扒类好香，所以就决定食香煎鸡扒沙律餐(汤+主菜+饮品共$80)。服务员先送上餐汤系忌廉汤，份量系汤碗的1/3，味道浓不会有结粒，唯独有少少胡椒碎未烂就有点辣咳咗几声，如果份量可以多啲就好。饮完汤送上大大块热辣辣脆皮鸡扒，配上新鲜沙律和暖的蒜蓉汁，成个餐好靓又好正。厨师煎到块鸡扒好脆，我就连皮食，鸡扒肉厚唔硬，煎的火喉控制得正👍🏻，以中上环cafe来讲$80呢个价钱食扒系可接受。饮品我叫了冻杏霜，想不到有泡沫层，唔太甜，好饮的。Cafe环境整洁，系今次坐bar枱觉得比较迫，背住坐落order有啲阻滞，下次会叫多啲人一齐食坐4人枱。