復仇者餐館 (已結業)

今晚嚟中环揾嘢食，好彩有订枱，因为侍应话今晚只招待预订客人，所以大家想食记得订枱。餐牌选择唔多，仲要冇我想食嘅牛肉，但每一样都好有特色，我拣咗慢煮猪腩肉，配一杯蜂蜜柠檬铁观音。猪腩肉食落唔油腻，亦都唔会又干又硬，好软身，亦都入味，配嘅沙律唔小气，营养均衡，令人唔会有罪咎感。蜂蜜柠檬铁观音，铁观音味非常淡，唔系好饮到茶味，有啲失望。朋友嗌左蚬肉炒意粉，佢话好好味，我就闻到非常香， 十分吸引。我哋仲嗌左一碟卡邦尼炒肠粉，非常得意，卡邦尼汁做得浓郁，配港式肠粉好味又新奇。另外要注意呢度有只狗，如果惊狗可能就要考虑下，如果爱狗，只狗好得意㗎！以中环来讲，我觉得呢间铺头食得过，起码食物有啲质素，个价钱唔系净系铺租。