麵の四

营业中

休息中

住筲箕湾的朋友推介呢间拉面店，离西湾河地铁站好近，记得行到筲箕湾道186号，转上斜路几步路就到。这间小小的店舖，好有日本小店feel。有几款拉面都系老板特别推介，我哋拣咗:✨赤海鲜拉面$88，加咗小辣，辣味冇冚过海鲜汤底的鲜味，配料都算丰富，有虾、青口、蚬八爪鱼仔和糖心蛋，全部都新鲜好食。✨黑蒜豚肉拉面$72，豚骨汤底汤味浓郁，两大块厚厚的豚肉，一啲都唔吝啬，还有我最爱的糖心蛋，好好味😋✨盐烧鲭鱼$48，鱼肉的鲜味和盐的咸味完美融合，令人食指大动👍总括嚟讲这间汤底味道唔错，咸淡适中，𩠌料好多，价钱大众化，大大碗好抵食，但系三点至六点系落场时间唔开架🙂