大滿屋日本料理 (已結業)

观塘终于开放题喇！我地一齐去试啦！我记得果日honey系咁同我讲。我心谂，观塘都有唔少放题啦，但我就宁愿出去旺角、尖沙咀食，起码质素有保证吖！你知我啦，放题食咁多生野，如果唔够新鲜好易濑野架嘛！但今次honey叫到，点都要舍命陪君子嘅⋯⋯Book左星期日夜晚食，入到去个感觉，间餐厅好光猛，唔系一般的放题走既日本居酒屋风，暗暗黑黑咁，而且座位都好宽阔，唔会密质质郁都郁唔到。第一野梗系嗌番盆刺身先啦！嚟到时真系哗左声，原来而家刺身盆景都系湿湿碎，而家有埋喷烟既鱼！我上次见既时候系食高级日本野既事啦，见到咁有心思，呢盆刺身加分！点左好多款刺身，款款都好新鲜，个人最喜爱系甜虾、带子，甜虾鲜甜，肉质鲜嫩，而带子唔会一开十，每粒带子都好大好厚身，一啖咬落去劲满足啊！其他刺身都劲鲜，未食哂即刻写定下张啦！对住咁好味既野，胃口大开，款款都点左啲黎食，我唔写哂全部，以下几款我推介必食既：炸物类：芝麻鸡翼就放题必食，炸蚝唔会有臭味，呢度仲有紫薯奶皇波波，正啊！见到呢度有简直双眼发光！咬落烟韧，奶皇香味够哂出，最后我啪左4粒以上！烧物类： 推介烧羊架，唔苏，又唔会烧得干争争，够juicy！平时唔会叫乌冬呀粥