瀛風 (友愛街市) (已結業)

今日入左友爱邨到同朋友食tea，食食下收到妈咪电话，叫我返来时去买d寿司返去比佢和老豆食，我即问朋友边到有好味的外卖寿司， 朋友即推荐我去友爱街市的瀛风。其实我真系十几年冇去友爱了，原来依家街市装修得咁靓仲要有咁多餐厅。去到望一望餐牌已经帮妈咪老豆发办叫左野食， 分别系辣味螺肉， 葱吞拿鱼蓉寿司和派对盛A， 一返去打开，就比妈咪怪我了， 因我冇拎实比人撞左一下个袋，搞到d 蟹籽寿司散左。但我同妈咪讲，唔紧要啦，散左的蟹籽痴落其他寿司到都好好食架，佢地先冇咁嬲我 😁呢到的派对盛A 款式都几多， 有8款寿司， 妈咪最爱三文鱼话好新鲜， 老豆就最爱北寄贝够爽。 葱吞拿鱼好软绵绵，他们食得好开心， 仲有个螺肉辣辣地好开胃。呢到寿司好新鲜，价钱又唔贵，妈咪叫我下次买d卷物返去再食过。