好一鍋海鮮火鍋專門店 (已結業)

今日又同老公两个人出咗去打边炉，今次选择咗喺琼华中心11楼既好一锅，其实同一个大厦里边我都试过其他嘅火锅店，系未食过呢一间，所以今次就去试吓，入到去环境舒适，被安排坐系卡位👍🏻，服务员嘅好有礼貌，汤底方面就选择咗淮山苹果雪梨锅，而配料方面有好多选择，我叫咗手切肥牛、美国肥牛、花胶、墨鱼滑、手打黑椒牛丸、韭菜饺、萝卜、脆肉鲩鱼腩、鹅肠、稻庭乌冬、虾同蚬，两款牛肉都肉味浓郁，好腍，韭菜饺非常饱满，墨鱼滑好弹牙，鹅肠非常爽脆，虾非常新鲜，好爽口，而d蚬系冇沙既，带有少少甜味👍🏻，其他配料亦都非常新鲜，两个人埋单都唔使$400，仲要系饮品任饮，咁嘅价钱确实系值得一试👍🏻👍🏻