鶴亀 (已結業)

呢排夜晚天气咁冻 最岩就食返碗暖笠笠既拉面啦！我同朋友通常都会拣小店 较少食连锁式拉面店既 呢间铺头系I square附近 几易去 评分又唔差 所以就决定试下啦！佢拉面同沾面都几多款 正常既豚骨又有 一啲特别啲 例如慢煮安格斯拉面 柚子三文鱼拉面 都有。 不过始终第一次黎 都系食返稳阵啲既好啲 所以嗌左豚骨沾面同樱花虾拉面，再加左两款小食豚骨沾面有得拣冻或者热既面 我就拣左热既 同埋系粗面黎~其实重有个特浓豚骨沾面拣 不过我怕太咸就冇要到 而家呢个对我黎讲就岩岩好 但可能再重口味啲既朋友都可以试下既！佢一共有三块叉烧 食落唔怕好硬 因为肥瘦比例都岩 好味😋拉面既糖心蛋都系十分不错！朋友就食樱花虾拉面 一黎到时就见到满满既樱花虾 正！佢底下都有三块叉烧 相当满足！小食方面 第一样系煎饺子 要黎配拉面系十分适合既！饺子煎得十分香口 脆卜卜又有肉汁 唔错！第二样系章鱼小丸子 本身都惊拉面铺食小丸子会伏 点知又做到外脆内软既感觉 应该系即刻整 唔系放好耐整返热既 所以都推介💁🏻‍♀️下次再黎可以试下特别款 感觉值得试下既！