潤廚美食

营业中

休息中

这间润厨美食餐厅在屯门虹桥都开左一段时间，一直都想试吓佢嘅早餐和冻柠檬茶啱唔啱自己口味，但每次经过都座满人无缘一试，难得今次见到有位，就入去试吓。餐厅唔算好大，枱与枱之间还有点迫，但尚可接受。地方都干净，员工有礼貌，虽然多客。但送餐速度都快嘅。讲返食物质素，我叫左雪菜肉丝米粉，肠仔炒蛋加多士，还有冻柠檬茶，米粉唔会煮到过淋又够热，炒蛋整得好滑有蛋香😋，最令我有惊喜系竟然可以配丹麦多士，真系好少见小店式嘅茶餐厅会有，这个值得加分。👍总括嚟讲，各样都好满意，埋单40蚊，值得再帮衬。