227甜棧 (已結業)

是日同朋友一行五人去揾糖水食，有朋友就推介左呢间系太子酒吧街附近既甜品铺，起初见到等既人好多，但都唔算等左好耐，大约等左二十分钟就入得。甜品铺装修系中式设计，红黑为主色，木枱木椅，中式灯笼吊灯，碗餐具都系中式既，成个设计好符合甜栈之名。甘甜品方面我点左自选配料豆腐花，4个配料加上豆腐花都系三十八蚊炸，都唔算贵。我拣左鸳鸯豆花，即黑同白豆腐花，配料拣左地瓜，红豆，黑糖寒天冻同绿茶冻，要左微糖黑豆腐浆。首先赞一赞佢啲甜品唔会好甜同死甜，食落好舒服同冇负担。黑糖寒天冻好有惊喜，系一食就食到黑糖味，好足料。绿茶冻就略嫌冇黑糖冻甘出味，食唔到绿茶味。红豆够绵，而且唔会好甜，出边有时啲红豆会整到好似糖浆甘，但呢到完全唔会。地瓜就感觉偏硬身，咬得开，但整耐啲会更加好食。果豆浆唔会好甜，饮落好舒服。豆腐花够滑，不过有啲散，但唔会话好影响口感既。以呢个价钱黎讲，绝对物超所值，会想再黎帮衬。另外呢啲就朋友食既。豆腐花真系好正，不过朋友都点左一个比较令人失望既野，呢个黄金丸子白雪卷，即系芒果河粉卷，其实味道唔错，但略嫌比想像中细太多。相都睇到系一包半纸巾既长度，仲要头尾系冇咩芒果既，芒果汁好少，丸子都系得五