當下 (和富道) (已結業)

今日同朋友去和富行街，走既时候经过见到呢间睇落劲高级但价钱又好似唔算好贵，所以决定一齐食埋晚饭先走~ 因为尚早，所以唔洗位就入得。店内既座位唔算太多，每枱之间都有一定距离，坐得都好舒服。我地叫左个 Dinner set for two $498๛巴拿马火腿伴蜜瓜蜜瓜鲜甜又多汁，配埋巴拿马腿做开胃小食真系唔错~  ๛ 有机凯撒沙律蔬菜新鲜，面包粒好香脆~๛ 黑松露磨菇汤 一上枱已经闻到黑松露既飘香，好钟意有碎磨菇既磨菇汤，口感特别好~ 磨菇汤既黑松露同磨菇味都好浓，互相配搭得好好，唔会盖左对方既味道~ 饮完觉得唔够喉!๛ 有机杂菜汤，饮得出诚意，好足料，煮到有少少蔬菜溶咁令到口感提升既同时又唔会太浓稠๛ 黑松露野菌手打阔条面首先同个汤一样，黑松露味好重好香，一上枱已经闻到。配料份量都多，啖啖野菌好满足。阔条面劲烟韧，加埋个汁劲creamy，超好食!๛ 炭烧法国黄油春鸡成日都好怕炭烧鸡既肉质会好鞋，但朋友坚持想食鸡，唯有叫啦。又意外㖞，呢个炭烧春鸡既肉质好嫰滑，一啲都唔鞋，虽然唔系话超有肉汁，但对呢个鸡己经好满意! 配菜有薯蓉同少量西兰花，整体份量好足，呢个价钱确物超所值!