121BC (已結業)

餐厅系开放式厨房，有张小bar台可以望住厨师煮野食，咁啱我地系被安排坐𠮶度。一共三个厨师，一个主厨，两个副厨。主厨好讲究，出每一碟菜前都会睇过，如果摆盘唔靓，自己都会汁过再上台，再指导下副厨，间中又试下副厨整嘅沙律系咪保持到水准。佢哋真系煮到爆汗架，成晚无停过，欣赏👍🏻讲返食物，每样𩠌嘅味道都好有层次感。我见到佢啲牛扒上面煎之前系有啲绿色嘅酱，所以斋系食牛扒已经系有味道，牛扒亦好肥美，加埋黄色嘅anchovy butter，又系另一种味，带啲咸鱼嘅香，好特别🥰。意粉系佢哋自己制,爽口弹牙烟韧，海胆同鱼子新鲜，意粉汁就有另一种嘅鲜味。炸薯波都好好味。系会令你想再返去食的。