Spoil Cafe (已搬遷) 新店位置

Item: Spoil Cafe
Rating: 4
Author: Rates test

144 食记

味道

环境

服务

卫生

抵食

6634

湾仔

$201-400

西式

Rates test

等级3

知道依间舖位少，夜晚要 book 先有位，所以早两星期 book 定，仲要特别留埋一份招牌 crunch cake，因为佢话佢一日只做一个，所以唔留好可能冇得食，因为第一去，所以找了好一阵先揾到，地方有点隐闭，但去过一次之后就可以容易去到，店舖楼面非常细但装修都几精致，特别系外面个兔仔装饰亦系令全店生色不少，去到坐底，应该系老板兼厨师的男人安排我哋坐同落单，之后佢就入去厨房开始准备，餐前面包又唔热又冇乜味系靠点黑醋同槛㰖油，比我想像中失望，因为其实佢焗热少少再比啲牛油可以好好多，之后引"Caesar Salad"$108,一上枱我见到真系得菜同几片芝士，我心谂收我$108比咁嘅嘢我？但食落啲菜非常新鲜，全部R菜，芝士味道亦好浓，还食到有种加落沙律的咸鱼味，非常好味，我真系怪错左佢，如果佢可以加少少炸过嘅烟肉碎同炸面包粒就更完美！"Prawn pasta"$208,要左Thai style ,叫佢少辣，卖相几好，两大只虾在意粉上面，只虾不过不失，如果可以新鲜啲就更好，但个Thai汁辣辣哋同好重椰汁味，好好食，依个味唔容易响外面餐厅食到，我哋好快就食晒，好彩叫佢少辣，因为唔系对于我嚟讲已经足够，所以建议如果你哋唔食得辣就要记住叫佢少辣！"Pork chop"$218,个汁系以黑醋去煮，配菜有烤过嘅薯仔，非常热同香口，蕃茄多汁，而个猪扒唔知系个料靓定佢厨艺出色，真系好少食到咁厚都可以咁淋，猪嚟讲佢已经做到好好，但我个人都系觉得味道点都系比不上牛扒，希望下次有机会试下佢既prime rib先！之后点了"招牌crunch cake "$55,好彩有留如果唔系真系冇，之前见到有其他食评话美心仲好食过佢，所以真系好想知道系咪咁差，食落cream足滑，蛋糕亦松软，但主角比佢上面啲糖饼脆脆抢晒，好似旧式软花糖的味道，又大块又好味，果然系招牌蛋榚！"New York 芝士饼"$45,好普通一个芝士饼嘅外型，但食落好香芝士味，我最钟意佢唔系死甜𠮶只，好浓郁嘅芝士味同软硬适中！"Mocha"$35 好嘅咖啡系一个好嘅晚餐嘅结尾，下落见到个女仔即刻用咖啡机整、打泡同整朱古力汁，上到枱非常够热，味道亦不错，口感亦够滑，食两口甜品再饮一啖热咖啡，真系一个好好的享受！初七人日一个好美满既晚餐！