聚潮潮汕地道美食

营业中

休息中

路经北角，想食碗潮式猪杂/鱼蛋粉，上openrice 搜寻，见到呢间，又未收铺，入去试吓。一向食潮式猪杂粉面，会谂起西营盘正街𠮶间，但而家晚上8点几，冇理由而家走去西营盘，咁就试吓呢间啦，谂住填包个肚就算。舖内为典型港式粉面舖摆设，以四人枱为主，不算阔落，也不为挤迫。桌上有鱼露、二款潮式辣油及古月粉等，达基本潮式粉店要求，店面女侍应态度友善，点了一碗猪心+鱼蛋+猪肚丸米粉及冻柠茶，另加通菜一碟，5分钟上齐，很好！猪心有惊喜，猪肚丸有肉汁，鱼蛋唔错，汤底不过咸，通菜比坊间一般餐厅大碟，全部合共60多元，比起连锁式面店高质。老板会问吓顾客，食物是否合乎口味，呢种小店亲切的态度，近年已少见。另一枱食客，可能同老板熟悉，要求老板提供hidden menu(代购靓海鲜，并以潮式方法制作)，老板同街坊相讨烹调方式，可见老板对煮食的热情，亦得街坊信任。下次会再帮衬，除了因为啱口味的潮式面食，亦为了老板对食物的热情。