伊賀日本燒肉料理 (已結業)

之前同大学同学讲起烧肉放题，大家都谂唔到香港边一间系好有代表性，之后其中一个于尖沙咀工作既同学就介绍左呢间俾我地，试完之后又真系觉得几好果度有日式装修配合香喷喷嘅烧肉味，成个环境好有气氛。座位亦有开放式嘅圆桌、partition卡位同户外炭炉区，任君选择一开始我地就叫左d刺身，分别系甜虾、带子、螺、素鲍片，本来对烧肉店既刺身无乜期望，但估唔到拍得住主打刺身既店舖。刺身一咬落去就流出鲜甜既肉汁，一啲都唔腥，食得出佢地对食物质素既要求。我最欣赏系带子，因为一雪得唔好就好易有雪，但呢个带子温度啱啱好，将新鲜嘅味道原原本本带出嚟。之后就去到主菜，最印象深刻系玉子鳗鱼。我每逢去日本都一定要周围食玉子，但从来都未试过自己烧，今次仲要加埋鳗鱼可以自己烧真系好正！暖粒粒既玉子配埋滑溜溜既鳗鱼简直一试难忘！除此之外当然唔少得我最爱既鸡翼同金菇，简单既食物但食得出食材一啲都唔马虎，咁当然首先唔好烧焦啦！炸物都系我嘅至爱之一。芝士年糕就好多地方都有，但呢度既唔会太油，芝士系半溶状态，但唔会烫咀，系我食过至好味既！另外榴梿炸弹都算系惊喜，嚟到已经闻到好香，榴梿入口即溶，引唔住要食多几粒！食番个胡麻蕃茄沙律re