王子私房菜

营业中

休息中

爸爸话要庆祝一下Happy Friday，所以带我哋去食餐好嘅！因为佢钟意食中餐，所以拣咗王子私房菜。餐厅环境舒服，系酒楼嘅格局，但冇一般酒楼咁嘈，啱晒倾偈。我哋三个人拣咗一个四人套餐，有头盘，主食，到最后甜品，食到劲饱！鲜虾沙律啲虾好新鲜，弹牙爽口，沙律里面有苹果同埋薯仔，沙律酱非常清新开胃。海蜇叉烧烧肉拼盘海蜇好独特，味道较清淡，口感爽！最钟意系个叉烧，入味，非常多汁！西芹杂菌炒带子蔬菜较为清淡，但带子鲜甜！炸子鸡外面脆里面好多汁，好味👍炒饭睇落一个好普通嘅炒饭，但系功架十足，饭底好干身，粒粒分明，而且非常烟韧，里面有啲nuts，多层次。最后，上糖水系木瓜雪耳糖水，欣赏佢唔太甜，直到最后虽然好饱，但系呢碗糖水令你食得舒服！非常暖胃。总括来说，虽然菜式普通，但味道很好，食到食物嘅本身味道，而且食完唔会好口渴。买单二千几蚊，都可以一试！