影片
更多
2021-07-09
1443 浏览
呀仔又去左爷爷嫲嫲屋企🏠玩, 我地又可以过一个轻松平静的周末, 拣左黎东涌食饭行街 (其实我地都唔太好shopping🛍, 都系食完饭散下步, 反而钟意行超市, 东涌TASTE不错, 好大间, 行得最耐)。上网揾左呢间评价不错, 可以网上订座同早少少开(OPENRICE最早可以订11点, 不过当日我地大概11:05到达时, 已经有差不多6, 7组客人食紧, 再睇返佢地既开店时间, 原来系10:30am)。满乐潮州店舖面积好大, 楼底又高, 店员安排左一张接近落地玻璃既四人圆枱比我地, 自然采光充足再加上枱与枱之后距离宽阔, 让人有一种好似置身于外国, 自由自在, 无拘无束的感觉。我地点左芋茸香酥鸭同卤水骨香鸭片例牌。芋茸香酥鸭 - 第一层蜂巢脆卜卜, 第二层芋泥松软绵密, 入口即化, 最尾就是鸭肉, 满乐潮州的做法是将鸭肉切碎混入芋泥中, 老公不太满意, 觉得鸭肉太少了, 还是枫林小馆做得比较出色, 都啱既, 枫林小馆荔茸香酥鸭用料和味道都同时兼顾到。不过如果问我突然有一日又挂住芋茸香酥鸭, 想食既话会帮衬边间, 我会拣满乐潮州。因为第一, 两间同样都做得好好味。第二, 我系因为想食芋
上网揾左呢间评价不错, 可以网上订座同早少少开(OPENRICE最早可以订11点, 不过当日我地大概11:05到达时, 已经有差不多6, 7组客人食紧, 再睇返佢地既开店时间, 原来系10:30am)。
满乐潮州店舖面积好大, 楼底又高, 店员安排左一张接近落地玻璃既四人圆枱比我地, 自然采光充足再加上枱与枱之后距离宽阔, 让人有一种好似置身于外国, 自由自在, 无拘无束的感觉。
我地点左芋茸香酥鸭同卤水骨香鸭片例牌。
芋茸香酥鸭 - 第一层蜂巢脆卜卜, 第二层芋泥松软绵密, 入口即化, 最尾就是鸭肉, 满乐潮州的做法是将鸭肉切碎混入芋泥中, 老公不太满意, 觉得鸭肉太少了, 还是枫林小馆做得比较出色, 都啱既, 枫林小馆荔茸香酥鸭用料和味道都同时兼顾到。不过如果问我突然有一日又挂住芋茸香酥鸭, 想食既话会帮衬边间, 我会拣满乐潮州。因为第一, 两间同样都做得好好味。第二, 我系因为想食芋泥才叫芋茸香酥鸭, 鸭肉对我黎讲系配角。第三而亦都最重要既系, $128VS$298, 满乐潮州的芋茸香酥鸭抵食太多了。
卤水骨香鸭片 - 卤水汁浓淡刚好, 鸭片鲜嫩入味而垫底的卤豆腐也十分嫩滑, 如果有得拣去骨就更perfect💯。
对满乐潮州无论环境, 食物, 服务都很满意, 一定会再去帮衬佢位置较方便的尖沙咀分店。
张贴
