新麻蒲 BBQ (波斯富街) (已結業)

系香港讲起有质素保证既烧烤店，新麻蒲算系数一数二的。见圣诞就到，就豪食一次，今次去试左佢地既新餐，韩冬主题二人套餐，$668，入面包括左三块高质牛排，包括左美国西冷,日本和牛同埋1++济州韩牛，两杯肉桂苹果茶，一个雪花冰。牛排方面，三块都十分高质，但如果要排先后次序，本人觉得和牛>韩牛>西冷，呢个排法系以油香为基准，和牛入口即溶真系好正。杯野饮就劲浓肉桂味，如果钟意肉桂既朋友一定会觉得好正。雪花冰就做到好细滑，好似一层好薄既雪放入口咁，但本人喜欢捞埋雪花冰下面既果酱食，同雪花冰既奶香味好夹。新麻蒲既另一卖点当然系无限refill既前菜，当中以沙律同埋萝卜最好食，沙律超级新鲜个汁系柠檬做，十分开胃。$668睇上去虽然唔平，但有三块高质牛价钱真系算抵，呢个可以encore。