Plato Cafe & Bistro (彌敦道) (已結業)

同一位朋友好耐冇见，想喺市区坐得舒服而食物有番咁上下既西餐厅，于是乎就试试Plato吧。我同朋友叫左两个晚餐，谂住share嚟食。两款晚餐都包饮品，餐汤同蒜蓉法包。随餐的粟米汤饮得出唔系开粉，是用粟米打成的真材实料。Main Course选咗下面两款:软壳蟹黑松露意大利粉$178(跟餐）软壳蟹炸得刚刚好，意粉都好Creamy 被黑松露酱汁包围，同朋友share都够食。BBQ烧猪仔骨配沙律及薯条$208（跟餐)待应端来时，都吓了一惊，原来好大份🙈而且加埋薯条同配菜，真系食到饱晒。个人觉得依个猪仔骨好嫩滑，切开都好容易，没有鞋什什的感觉。上面铺上一层厚厚的烧烤酱，但食落好开胃，不会有腻的感觉。总括嚟讲，食物质素中上，坐得舒服。会再返黎试下其他食物。