Forever 友緣西餐 (已結業)

朋友介绍呢间新餐厅，佢话环境同食物都唔错，所以试一试！Book咗位，不使等，环境和座位都好舒服.坐低后，侍应生送上两杯蓝梅乳酸，味道微酸，有点开胃嘅感觉！叫咗两个set dinner, 一个系美国顶级肉眼扒，另外一个系牛肋骨；先来个餐汤-杂菌忌廉汤，汤嘅浓度适中，而且有好香嘅菇味 肉眼扒七成熟，肉质好嫩，肉汁又多，而且肥瘦均匀，七成熟啱啱好，如果厚身啲就好啦！朋友嘅牛肋骨连骨奉上，虽然肥/瘦肉比例差唔多，但系肥肉多左少少，肉质有种软绵绵的感觉，但我自己比较钟意肉眼扒。饮品叫咗肉桂榛子咖啡，饮完呢个咖啡之后觉得好好味，第一次饮到呢个味道，咖啡好香，而肉桂系自己用玉桂条搞咖啡时散发出来的。后来才知道呢啲系哥伦比亚嘅极品咖啡豆，唔怪得咁好味啦 朋友叫咗西班牙咖啡，味道都唔错。但系我自己就梗系钟意玉桂榛子咖啡啦！最后仲有雪糕做甜品，呢个晚餐真系满足！