影片
更多
2021-09-24
50 浏览
今日早放工當然要約人食飯啦，諗諗下決定係美國式既越南粉lol之前一直知道呢到有個巨人size既粉，而且食過一次味道唔錯，今次黎encore。上咗芽菜、香葉、洋蔥絲和辣椒🌶️火車牛魔粉：其實都係好大配成個面盆咁，入面有牛丸粒、牛筋、牛柏葉、牛腩和生肉片，岩曬我想試曬所有野。湯底既味道比較清唔會好油。金邊粉好彈牙唔會軟林林咁。配料食得出新鮮，呢碗粉實係復刻到美國食開既味道！如果可以好似美國咁牛丸一粒粒上、牛筋係一塊唔係粒粒就好喇。雞扒撈檬：友人話有醃蘿蔔絲、洋蔥絲、生葉，加埋個撈檬汁食，好開胃同清爽，我都偷食咗一口，雞肉唔鞋無我最驚既雪藏味，脆得黎幾多汁。咸蛋黃薯條🍟：薯條係粗薯，香口得黎入面充滿薯蓉，外衣係咸蛋黃粒，食得出係用切碎既蛋黃粒出，口感十足白桃沙冰，出面好少會見到，唔會太甜啖啖桃香，個沙冰飲到底都仲有味，而個陣桃味係好天然唔假，今次因為佢既沙都係果汁黎，如果可以有香桃粒粒就好喇。菠蘿冰沙：朋友話比白桃甜，都係鍾情白桃多d.
上咗芽菜、香葉、洋蔥絲和辣椒🌶️
火車牛魔粉：其實都係好大配成個面盆咁，入面有牛丸粒、牛筋、牛柏葉、牛腩和生肉片，岩曬我想試曬所有野。湯底既味道比較清唔會好油。金邊粉好彈牙唔會軟林林咁。配料食得出新鮮，呢碗粉實係復刻到美國食開既味道！如果可以好似美國咁牛丸一粒粒上、牛筋係一塊唔係粒粒就好喇。
雞扒撈檬：友人話有醃蘿蔔絲、洋蔥絲、生葉，加埋個撈檬汁食，好開胃同清爽，我都偷食咗一口，雞肉唔鞋無我最驚既雪藏味，脆得黎幾多汁。
咸蛋黃薯條🍟：薯條係粗薯，香口得黎入面充滿薯蓉，外衣係咸蛋黃粒，食得出係用切碎既蛋黃粒出，口感十足
白桃沙冰，出面好少會見到，唔會太甜啖啖桃香，個沙冰飲到底都仲有味，而個陣桃味係好天然唔假，今次因為佢既沙都係果汁黎，如果可以有香桃粒粒就好喇。
菠蘿冰沙：朋友話比白桃甜，都係鍾情白桃多d.
张贴
