池畔廊

营业中

休息中

呢两日同朋友嚟酒店staycation。见出边落雨，决定留喺酒店食晚饭😋酒店呢间池畔廊位于酒店嘅泳池隔离，如果天气好嘅时候可以坐室外。不过四周围都系住宅，冇乜风景好睇。室内嘅座位都唔多，摆到5-6台左右。虽然环境一般，但系服务都有酒店嘅级数。👍🏼侍应好亲切，会主动介绍抵食嘅食物选择。我哋叫咗一份沙律，一个薄饼，同埋一份羊扒。🤙🏽🤙🏽沙律系凯撒沙律，我哋加咗烟三文鱼，要比多$30。沙律嘅份量都唔细，上边嘅芝士碎都唔孤寒，澳门晒成只碟，淡淡菜同埋三文鱼都有芝士喺上边。😙薄饼就叫咗Parma Ham pizza, 佢个薄饼系新鲜焗出嚟, 热辣辣，脆卜卜。个羊扒叫咗五成熟，煎出嚟生熟程度啱啱好，我𠮶啲配菜都系烧出嚟，好香好多汁。呢间系酒店入面，除咗自助餐之外嘅餐饮一个好嘅选择👍🏼如果住呢度可以一试。