重慶劉一手火鍋店 (旺角商業大廈) (已結業)

适逢朋友生日，寿星女想食重庆麻辣火锅，于是就黎到交通便利的旺角分店食。由于一早已订位，所以就唔驶烦等位的问题~店内环境都好干净企理，座位亦唔算好挤逼。店员亦会为客人提供围裙，以防客人整污糟衫，呢个举动都好贴心。我地叫左重庆麻辣(中辣) 同猪骨汤底，汤底好足料，够味，而且辣得黎带点麻，整个汤底好香，好惹味，适合重口味既我。另外有叫到炸鱼皮，响铃 好香脆，但唔油腻。宽粉就好烟韧弹牙，可以encore重庆火锅特色之一 爽脆黄喉(猪的喉咙).其实都系第一次食，初初都惊会有唔会浸怪味，但食落好爽脆，而且带点麻辣，一试就爱上了。牛肉色泽好新鲜，纹理都好清晰均匀，食落口都好浓牛味，有质素，唔会好肥 同平时放题既肥牛完全唔同质素，真系价钱与食物质素成正比。极尚老板天梯摆设得好有心思，眼前一亮，丸类属中规中矩。由于朋友生日，我地自携蛋糕，餐厅会收取$100 切饼费及另送一枝苹果有气果汁。如果有意在餐厅庆生的朋友要留意了。以火锅黎讲，虽然价钱属偏贵，但食物质素与价钱成正比，食左一餐有质素的重庆火锅。至于服务方面，职员的服务都好到位同主动有礼，总括黎讲系值得推介一试的餐厅。