影片
更多
2018-10-30
53 浏览
今日食晏时间约左个个客喺长沙湾𠮶边见下面，又唔想食普通茶记，问左附近返工既朋友，推介我嚟呢度食，话地方ok, 野食都见得下人！(个门口有d古惑，要特别留意下) 入到去又真系别有洞天，环境光猛，冷气够，而且都几干净，我哋差唔多12点去到，已经几乎坐爆，刚刚好仲有张4 人卡位埋单俾我哋，先至有位坐！午市时间有平d既套餐拣，质素都唔错，价钱又平d! 餐牌入面其他野食都好吸引，有蛋包饭，铁板饭，杂扒餐等。。。我同个客向自叫左份主食，另加$20变做餐，有汤，有野饮，跟餐既罗宋汤好快送到，酸酸甜甜，一贯茶餐厅水准，合格跟餐仲有个迷你沙律，几健康！ 沙律菜新鲜爽口，沙律酱汁唔吝啬，食到最尾都仲有汁剩，抵赞！跟餐仲有件焗蒜蓉厚多士，大大件，其实食呢件蒜蓉包都够饱了, 蒜蓉满满铺在包面，蒜香味十足，而且焗得十分香脆！个客就叫左份相扑手厚切猪扒拼司华力肠，卖相吸引，份量都ok, 绝对对得起这个价钱！ 块猪扒真系几厚，佢话食落都唔错！我就叫左份富士山蛋包王，食材满满铺满碟面，有牛味十足既汉堡扒，煎得香口既鸡扒同两条香脆既炸虾，真系非常丰富！蛋包饭只蛋都系整得恰到好处，唔会太熟，蛋汁得以保存！d饭都几有诚意
(个门口有d古惑，要特别留意下)
入到去又真系别有洞天，环境光猛，冷气够，而且都几干净，我哋差唔多12点去到，已经几乎坐爆，刚刚好仲有张4 人卡位埋单俾我哋，先至有位坐！
午市时间有平d既套餐拣，质素都唔错，价钱又平d!
餐牌入面其他野食都好吸引，有蛋包饭，铁板饭，杂扒餐等。。。
我同个客向自叫左份主食，另加$20变做餐，有汤，有野饮，跟餐既罗宋汤好快送到，酸酸甜甜，一贯茶餐厅水准，合格
跟餐仲有个迷你沙律，几健康！
沙律菜新鲜爽口，沙律酱汁唔吝啬，食到最尾都仲有汁剩，抵赞！
跟餐仲有件焗蒜蓉厚多士，大大件，其实食呢件蒜蓉包都够饱了, 蒜蓉满满铺在包面，蒜香味十足，而且焗得十分香脆！
个客就叫左份相扑手厚切猪扒拼司华力肠，卖相吸引，份量都ok, 绝对对得起这个价钱！ 块猪扒真系几厚，佢话食落都唔错！
我就叫左份富士山蛋包王，食材满满铺满碟面，有牛味十足既汉堡扒，煎得香口既鸡扒同两条香脆既炸虾，真系非常丰富！
蛋包饭只蛋都系整得恰到好处，唔会太熟，蛋汁得以保存！d饭都几有诚意，有炒过下！
最后我哋都叫左杯综合水果茶嚟饮，两人份量够每人一杯，水果都几多，甜甜地！
埋单比平时既午餐贵左少少，不过物有所值！下次经过开都会再帮衬！
张贴
