金記冰室 (元朗廣場) (已結業)

放假出去唞唞气，由千岛湖行落大棠，行吓影吓相都差唔多四个几钟，个肚饿都打鼓即刻要去揾嘢食，落咗车喺元朗广场见到金记冰室，嗱嗱声九秒九入去食嘢，因为之前喺荃湾食过有水准！餐厅装修比较新颖，枱与枱之间保持一定距离，抵赞！见到二人套餐有中西汤，两个小菜，再加白饭和饮品！我哋拣咗葱油鸡和干煸四季豆！餐汤可以拣中汤或者西汤，我比较钟意罗宋汤葱油鸡，鸡肉嫩滑，一啲都唔鞋，最正系啲葱呀！干煸四季豆，放咗橄榄菜和肉碎落去炒又香又嘢味！送饭一流见到隔离枱食铁板餐，忍唔住又嗌多一块牛扒，五成熟刚刚好！够肉味，黑椒汁另上！正到冇朋友最后忍唔住，食返个甜品，法式西多士，超级正呀餐饮叫咗红豆冰和咸柠七今日行山嘅努力应该白费咗！揽住个肚离开