翠豐冰廳

营业中

休息中

今日同阿囡整完回乡卡之后，喺牛头角附近，谂住揾间茶餐厅医肚就算，系估唔到一间平平无奇嘅茶餐厅都比到惊喜。精选晚餐：✨丰翠无骨海南鸡套餐配油饭及郊外油菜呢个套餐可以选罗宋汤或者老火例汤，我当然就选择例汤啦，例汤就系普通老火汤味道，但都有好多汤渣食下，之后就讲返个海南鸡十分之好食，啖啖肉，有鸡味，唔鞋，系个油饭就争啲，唔系平时食开𠮶啲油饭，饭硬身咗啲，唔够油。✨葱花叉烧滑蛋盖饭估唔到茶餐厅都有咁好嘅水准，黎到已经觉得抵食，卖相好唔错，滑蛋好香，唔会煮得过老，叉烧仲要系偏瘦，最钟意食瘦叉，只系捞饭d汁就多咗啲。之后餐饮叫咗杯黑牛，而家呢啲咁嘅天气，况且都好耐冇饮啰，另外我叫嘅晚餐仲送咗个雪糕甜点系一杯芒果雪糕，不过唔记得影相，系香港做自家制嘅品牌。喺我食紧晚餐嘅期间，我都不断8卦留意附近客人食物质素，真系超过咗茶餐厅嘅水准🫶🏻另外以平日工业区嚟讲，人流不断，品质真系唔错。