影片
更多
2023-01-22
643 浏览
2023年1月13日 星期五今日收工之后见有少少肚饿，就打算返屋企之前揾间餐厅食个下午茶先系大围行经过呢间餐厅，新开张左都有半年左右，但一直都未试过，因为成日见到有好多人排队食，好彩今日呢个时间无乜人，所以即刻入左去入面都装修得几舒服，主要用左木色，感觉几柔和我去既时间仲喺下午茶时间，下午茶餐都几抵食，$40左右就有埋嘢饮，而且有好多选择，唔一定局限食车仔面但我当然要试吓佢嘅车仔面啦，车仔面配料有好多食物可以拣，最后要咗几款餐厅推荐嘅，再加一个小食同饮品加埋$90都唔使，沙田区嚟讲都算几平，而且沙田区真系冇乜车仔面店一点完餐等咗大约5分钟左右，饮品就即刻送到，系冻西洋菜蜜，都几大杯，而且唔算太多冰，所以份量都算多，饮落去唔算太甜，有菜蜜味又够冰冻之后车仔面就送到，主要我叫咗三个𩠌配粗面，份量下午茶嚟讲都算几大，上面仲加咗我要嘅沙嗲汁，所以汤底好浓郁，唔算太辣，不过几惹味一定要提下呢一个秘制咖喱鱼蛋，咬落去连鱼蛋里面都吸收晒咖喱嘅味道，而且好弹牙，仲有少少鱼味添另外，牛丸都系餐厅独家配方，比起一般嘅牛丸感觉更加有咬口，肉味几香浓，食到停唔到口我仲叫咗猪软骨，煮得好入味，而且一咬就断开，唔
今日收工之后见有少少肚饿，就打算返屋企之前揾间餐厅食个下午茶先
系大围行经过呢间餐厅，新开张左都有半年左右，但一直都未试过，因为成日见到有好多人排队食，好彩今日呢个时间无乜人，所以即刻入左去
入面都装修得几舒服，主要用左木色，感觉几柔和
我去既时间仲喺下午茶时间，下午茶餐都几抵食，$40左右就有埋嘢饮，而且有好多选择，唔一定局限食车仔面
但我当然要试吓佢嘅车仔面啦，车仔面配料有好多食物可以拣，最后要咗几款餐厅推荐嘅，再加一个小食同饮品
加埋$90都唔使，沙田区嚟讲都算几平，而且沙田区真系冇乜车仔面店
一点完餐等咗大约5分钟左右，饮品就即刻送到，系冻西洋菜蜜，都几大杯，而且唔算太多冰，所以份量都算多，饮落去唔算太甜，有菜蜜味又够冰冻
之后车仔面就送到，主要我叫咗三个𩠌配粗面，份量下午茶嚟讲都算几大，上面仲加咗我要嘅沙嗲汁，所以汤底好浓郁，唔算太辣，不过几惹味
一定要提下呢一个秘制咖喱鱼蛋，咬落去连鱼蛋里面都吸收晒咖喱嘅味道，而且好弹牙，仲有少少鱼味添
另外，牛丸都系餐厅独家配方，比起一般嘅牛丸感觉更加有咬口，肉味几香浓，食到停唔到口
我仲叫咗猪软骨，煮得好入味，而且一咬就断开，唔会觉得好韧，可惜份量比较少，如果多啲嘅话会更加好
最后小食我仲叫咗煎蚝饼，煎得好香口，外皮脆卜卜，有好多饱满嘅蚝肉，完全唔觉得腥，煎得啱啱好，食得好满足
张贴
