喜來稀肉 (登龍街)

营业中

休息中

已经唔知第几次黎，食左一次之后，就宁愿黎呢度多过韩烧放题，肉类配料都有质素，而且价钱唔算贵。当然唔少得源源不绝既炉边泡菜蛋同芝士蛋。本人最中意就系用生菜包肉同泡菜一齐食😍《喜来烤肉》$138整到成个玫瑰花🌹每块都好薄身，每边烧几秒就熟透。虽然唔知咩部位同产地，但牛肉味好浓郁，而且口感软稔。《护心肉（猪）》$158护心肉唔系间间韩烧餐厅都有，护心肉有牛同猪，猪个份量会多啲，口感有点猪颈肉。《炒年糕》$75年糕几弹牙，个酱同年糕都似系韩国食个啲。除左年糕，仲有饭团🍙，个饭团最好早啲食，如果唔系紫菜会淋晒。《海鲜葱饼》$90葱饼做法间间都唔一样，呢间既葱饼比较薄身一点。