真味鮮廚 (已結業)

星期日同屋企人去左观塘饮茶, apm个边都有好多间酒楼, 而哩间系之前食开觉得食物有水准既, 属于海港集团既真味鲜厨。2点钟到达, 眼见都好爆场, 但竟然唔洗排队即刻入得~平时一至五下午茶时间依度既大中小点都系划一价钱,$16蚊, 真系几抵, 星期日就无哩个优惠, 只会有假日点心纸同埋烧味汤粉~ 山竹牛肉球 只系小点, 热辣辣鲍汁凤爪每次黎必点, 凤爪入哂味, 够腍又唔会腍到烂哂个种, 鲍汁亦好浓味粟米猪肉粥粥既味道ok, 但佢个两旧油炸鬼韧到咬唔到, 可能粥品既流量比较低, 条油炸鬼明显唔知摆左几耐煎堆拼咸水角正! 两款都系新鲜热辣炸出黎, 外皮脆口又烟韧, 煎堆入面系黑芝麻味茄汤解竹卷几得意既点心, 加左英文字母粉, 酸酸咪咪几岩小朋友同老人家食分蹄米线米线有d淡, 但分蹄就好好食唯一有少少不足就系服务方面, 楼面好少主动加茶, 个茶壶盖拎起左一段时间都无人理, 都系要自己举手叫人, 但当你举手叫人既时候都有少少困难因为佢地会扮睇唔到你😈同埋问佢地拎碟辣椒酱, 转个头佢地会唔记得, 要问两三次先会拎得到唔通真系只有农历新年既时候先有好服务既😂😂😂不过哩间酒楼食物既卖相同味道都有水准