影片
更多
2021-08-11
219 浏览
4个人想揾个地方坐低倾下偈，最终唔止倾得开心而且食到肚皮同心灵好满足！一坐低就有两个好热情嘅店员接待我哋，见到我大汗就揾咗个冷气位俾我吹返凉， 之后惊我哋冻又同我哋讲可以校返高个风口位， 非常细心。 同店员落单吹吓水就知道佢哋系好有heart嘅人，推介我哋啱食嘅食物，又不厌其烦地解释畀我哋听因为食物即叫即烧，所以制作需时，建议我哋一次过嗌晒想食嘅嘢。落咗单之后其实都唔需要等好耐，就有啲小食慢慢可以上枱，一路倾一路食，根本就冇乜停过，当中有几款嘢食简直好食到反眼，店员又会得闲过嚟睇下我哋食得开唔开心，继续吹下水气氛超好。我哋食咗好多嘢，由七点坐到十点，样样食物都feel到好用心制作。临走之前店员不忘提醒我哋，下次如果再想过嚟食，星期一至四就可以早一两日订位，如果五六日就要早一两个礼拜，如果唔系好难订到位。如此高质嘅黄店难book位绝对正常，所以将来都会尽量一至四过嚟帮趁，希望如果佢哋做团购我都可以帮衬到就好啦🤤另外想讲有时入到啲黄店，啲歌都唔系好啱听，不过角川嘅playlist系首首歌都好啱听，有时倾计倾到某啲题目，再听埋啲应景音乐，真系好感触。帮衬一间黄店又有质素、又有态度、又有hea
一坐低就有两个好热情嘅店员接待我哋，见到我大汗就揾咗个冷气位俾我吹返凉， 之后惊我哋冻又同我哋讲可以校返高个风口位， 非常细心。 同店员落单吹吓水就知道佢哋系好有heart嘅人，推介我哋啱食嘅食物，又不厌其烦地解释畀我哋听因为食物即叫即烧，所以制作需时，建议我哋一次过嗌晒想食嘅嘢。落咗单之后其实都唔需要等好耐，就有啲小食慢慢可以上枱，一路倾一路食，根本就冇乜停过，当中有几款嘢食简直好食到反眼，店员又会得闲过嚟睇下我哋食得开唔开心，继续吹下水气氛超好。
我哋食咗好多嘢，由七点坐到十点，样样食物都feel到好用心制作。临走之前店员不忘提醒我哋，下次如果再想过嚟食，星期一至四就可以早一两日订位，如果五六日就要早一两个礼拜，如果唔系好难订到位。如此高质嘅黄店难book位绝对正常，所以将来都会尽量一至四过嚟帮趁，希望如果佢哋做团购我都可以帮衬到就好啦🤤
另外想讲有时入到啲黄店，啲歌都唔系好啱听，不过角川嘅playlist系首首歌都好啱听，有时倾计倾到某啲题目，再听埋啲应景音乐，真系好感触。帮衬一间黄店又有质素、又有态度、又有heart，真系好难得。
今晚食咗嘅食物:
自家制西班牙黑毛猪叉烧、厚切牛脷、秘制烧牛筋、醉烧安格斯牛肉、鸡皮饺子、免治鸡肉棒
肉类嚟讲，样样都好正，以上样样都推介。特别至爱系醉烧安格斯牛肉，酒味浓但唔会盖过肉味。 黑毛叉烧跟埋生菜，包埋一齐，清爽加香浓👌👌 鸡皮饺子唔使讲，第二度食唔到！免治鸡肉棒招牌之选，绝对冇令我失望💯
秋葵、茄子、日本小甘薯、高野豆腐、煮大根、芝士年糕
蔬菜类到好有惊喜，出面啲烧茄子好容易调味太浓，呢个啱啱好。高野豆腐系招牌菜，一咬落去爆晒啲汤汁，真系冇得顶🤭芝士年糕真系第二度食唔到，出面啲芝士年糕系炸嘅，呢个系铺咗芝士喺面烧嘅，烧到好香，年糕入面啲芝士唔会热到辣亲条脷啱啱好，加咗少少炼奶喺面成件事简直系一流🤤
长筒鱿鱼、墨鱼咀、多春鱼、萤光鱿鱼渍
芥末八爪鱼、鸡泡鱼干、辣酒煮花螺、汁烧蛏子、汁烧大白贝
海鲜类都系样样都好正，所有烧海鲜包括鱿鱼、蛏子、大白贝嘅熟度都系恰到好处，唔会over咗，亦唔会over地调味，超级鲜甜！辣酒煮花螺好可惜我哋迟咗叫，但系店员知道我哋好想食，都将煲入面最后一粒送咗畀我哋试，四个人切开嚟食， 珍而重之地每人share到一小片，令我哋更加后悔冇早啲叫，因为真系好L好味😭 值得一提系鸡泡鱼干，本身佢哋嚟货应该啲质素已经系好好，再要加上烧嘅技术好高超，啱啱到位唔会干争争，食完一碟再encore咗一碟😇
最后想讲，其实支持小店有时真系要谅解多啲，虽然有时佢哋嘅原则或者规矩未必最方便到我哋，但好多时因为小店能力有限，有啲苦衷系我哋唔会明白。
张贴
