火車頭越南餐室 (浣紗街)

营业中

休息中

天后行入跑马地附近原来都唔少好嘢食，今次就试咗呢间越南风味嘅食物，感觉上都唔错，虽然有少少难行入去但系都值得一去食下。生牛肉汤河，生牛肉嘅份量都唔少，足足铺满左成碗面上面，而且都算厚，虽然有少少难咬，但系份量搭救。加上旁边有少少芽菜同埋辣椒青柠，可以放入去调味更加有越南街边嘢食嘅风味。河粉份量亦都唔少而且唔会煮到淋晒，硬度啱啱好成碗面都合格。猪扒干捞檬粉，猪扒表面都煎得几香脆而且香茅味都几浓几入味。入面都有唔少嘅配料，例如青瓜红萝卜洋葱等等。所以食落唔会剩系得檬粉嘅口感，仲有啲爽口都几适合夏天食酸酸爽爽咁样嘅开胃。蒜蓉法包，法包都烘得几香脆，而且面头蒜蓉都唔少不过如果佢可以涂满晒两边嘅话会更加好。牛油鸡翼，呢个就觉得啱啱好合格姐，因为面头嘅咋粉太厚而且翻炸，加上入面只系得返少少嘅肉汁不过面头有大量嘅蒜香蒜粒搭救，所以味道整体都唔错。炭烧沙嗲鸡串，鸡肉都几大粒，沙嗲味都几香浓，旁边仲有沙嗲汁俾你点，味道可以自己调校，而入面都仲有少少肉汁所以都笑得唔错嘅唔会太干身。最后职员嘅服务态度非常之好，而且食物嘅速度都来得比较合理，唔会一窝蜂咁黎晒所有食物唔错。