吟彩 (已結業)

    四個 OL 想食日本菜, 要坐得舒服, 可以慢慢傾偈的餐廳, 朋友介紹呢間開左無幾耐的吟彩. 我第一個到達, 地點有D難搵, 一推門即刻有個穿筆挺黑色制服的職員迎上, 有禮貌地帶我到預先訂好的位置, 檯興檯之間相距很遠, 非常闊落, 空間感十足, 我坐的位置可以望到一排 bar 位, 有三位師傅坐鎮, 燈光暗左D, 但天花的玻璃吊燈很耀眼. 呢間餐廳最特別係蒸籠美食, 四四方方的蒸籠裡整齊有序地放滿食物, 有海鮮, 和牛, 蔬菜等等. 聽 serve 我地果檯的服務員介紹, 個蒸籠同個爐都係特別訂製的, 選料亦非常嚴謹. 海鮮有蟹腳, 大蝦, 帶子, 魚, 放在大盆蔬菜之上. 全程有服務員在旁"睇火", 唔會蒸得過熟, 時間掌握得十分好. 最令人難忘的是日本雪花和牛, 油脂分佈平均, 蒸至八成熟上碟最 perfect, 入口即溶, 仲有下面墊底的蔬菜, 吸收了海鮮的鮮味和牛肉的油脂, 真係令人念念不忘. 除了咁特別的蒸籠美食, 其他菜式如串燒, 關東煮, 拉麵和甜品均同樣出色, 一定會再去.