和氣食堂 (黃大仙中心南館)

营业中

休息中

第一次去黄大仙揾朋友食饭，佢住附近实知边度有好野食啦！一出地铁站隔离个商场就有好多餐厅，应该都系做街坊生意。呢间和气食堂平日夜晚七点半已经有几个人喺门口等位，应该都系几受欢迎！我嗌左一个白咖喱乌冬，睇相好似几得意！白色泡泡系唔热嘅，以为系酱汁会好heavy，点知又唔系㖞! 入面咖哩乌冬热辣辣，好味！👍🏻打开餐牌见到好多卷物，一于嗌一个试吓！拣左黑松露鹅肝帆立贝卷，非常香浓嘅黑松露味😍😍😍钟意食黑松露一定要嗌！！但好老实，饭既口感麻麻哋，食唔到鹅肝味！广岛蚝寄世锅，蚝好新鲜，三文鱼都好好味！仲有蚬、虾、菜同豆腐等等热食既好选择！餐牌里面仲有一页好吸引我，就系绿茶雪糕，梗系要食一杯先圆满啦！🍦🍦🍦