功德林上海素食 (世貿中心) (已結業)

功德林素菜其实一直都想试，咁啱有个朋友系食素，约食饭时就顺便去试试。入到去好似普通中式酒楼，我地三个人都有一张圆台。我地叫左干煸豆、无锡脆鳝、红烧豆腐、上海粗炒、罗汉斋面、豆沙窝饼。脆鳝超赞超赞超赞！其实我地order嘅时候，都唔知佢系用咩做，纯粹想食脆脆地嘅嘢，一上菜食落口就停唔到！真系好脆，最后我地留左一块问店员究竟系咩菜 - 原来系炸到透嘅冬菇！一试难忘！回购率超高！ 扁豆就比较重姜味，其他面食都唔错，份量好多，最紧要系有好多唔同种类嘅菜去弥补肉类。素菜餐厅原来都好多选择，仲会有惊喜添！