勁嘆燒烤場

营业中

休息中

天气凉凉地，烧野食真系一流，星期日同几个朋友一齐bbq，满心期待呢度嘅重庆烧。呢个bbq场位置比较偏远，建议自己开车，或者系锦上路站搭的士过黎。虽然星期日都唔算多人，不过建议打电话book位，好让职员预备。每人送一罐饮品，如果拣支装就要加5蚊。其实我地觉得有啲唔抵，不会罐装饮品实在太细，所以无奈都要加。用黎重庆烧嘅食物本身已经穿好比我地，食物本身冇调味，系烧完另外自己再加调味粉，调味粉提供孜然粉、辣粉同椒盐，不过我地都觉得啲粉唔够香唔够辣。基本上啲肉，蔬菜，丸类都系任食，虾就限左一人一只，菠萝一人一块，香蕉我地呢台就一条。呢度嘅鱼，茄子，牛舌，牛肉，花枝丸都不错，其他都系正常味道。用黎重庆烧嘅炭可以用3个钟，中途唔洗加炭，烧完就岩岩好3个钟。要留意一开始个火会好猛，烧野食动作都要快手啲避免烧焦，之后个火慢慢细，其实都几好玩。无论系我地攞嘢还是book位，职员态度都系比较恶，唯独是服务态度麻麻。价钱方面开一个炉$60，另外每人$178，唔怕远路的话可以一试，但我比较钟意平时用烧烤叉烧嘅bbq场。