冰雪公主 (已結業)

终于到了星期五，放工后 一大班旧同事去食饭。 佢哋班友真系好鬼闷次次食饭离不开荃湾，冇办法啦睇下有冇咩新餐厅好食嘅。之后就比我揾到依一间新开嘅冰雪公主，啲人嘅评语都唔错又有意粉食， 一班为食既人又去试新野。 门口嘅位置见到有啲放左系到既蛋糕比人买。选择都几多㖞！睇完个餐牌之后，甜品为主嘅。意粉嘅选择唔系话好多，但有个全日早餐。全日早餐而家开到成行成市，四围嘅餐厅都有得食，所以就决定试试呢到嘅全日早餐好唔好食啦。当个全日早餐上到嚟嘅时候， 我都几欣赏因为个份量都几多，望落去都将好。多士整得脆，三文鱼同菜好够新鲜，蛋好香滑，玉米好甜，而其他嘅都唔错。另叫左海洋柠檬梳打，士多啤梨芭菲，个嘢饮个味道唔系话好甜，梳打味就真系好重，职员话蓝色𠮶啲系餐厅特制嘅糖浆，杯野又真系几好味而且又几靓。另外同条友仔叫左个士多啤梨芭菲share， 几多俾你有拣得几好系好甜唔酸。芭菲比较淡味，岩我唔钟意食甜野嘅人。 底下有啲麦片直到最后都依然可以脆。 利害利害。