舢舨泰國餐廳 (已結業)

庆祝同事升职，一行十一人放工后由港岛揸车入西贡食饭。原先大家都以为系食海鲜，原来主办单位系选择左呢间外型较有格调o既泰国餐厅。o系门口见到有$148 All you can eat，但系其实都只系好普通o既选择，而且都系比较饱肚，真系要大胃王先抵食，所以最后同事们都系散叫算。叫左小食拼盘、青木瓜卷、椰汁菠萝炒饭、串烧、泰式凤爪、羊架、蒜蓉炒芥兰、青咖哩鸡同唔知咩炒虾。样样都几好食，但冇边样特别令人回味。饮品方面叫左珍多冰，沙冰式，唔会越饮越淡，而且好足料，赞！o系西贡食饭环境清幽唔多人，加上呢喥系比较有装修，所以食得舒服写意。不过对于住新界西o既甲乙，如果唔系同事有车送埋返屋企都未必会过去食。如果有一天可以同毛毛轻轻松松放一日假都可能会再去o既，唔系的话就要等多几年买到车先会再去lu。