老川皇

营业中

休息中

钟意食辣野嘅朋友真系唔可以错过呢间老川皇经常成日听好多外国人亦都会慕名去食，之前去过欧美广场旺角𠮶间分店而家去返佢嘅总店佐敦吴松街。佐敦呢间通常晚晚爆人，由于我朋友唔太食得辣。所以我哋几个都点啲唔系太辣的菜试，首先叫咗个清炒莴笋丝，热辣辣，青BB，晶莹透亮一条条的，赏心悦目，乜嘢都无添加𠮶种味道最真实。另外亦都叫咗几只韭菜猪肉饺，呢度都几平，每只都系几蚊，食落去韭菜个味道好出！真系有一大堆韭菜系味你个口涌出。当然就要试吓佢哋呢度嘅地道嘢食，虽然我朋友唔太食得辣，但系都叫咗个水煮牛肉，其实佢哋呢度仲有水煮鱼、同埋酸菜鱼平时啲客都系钟意叫水煮鱼多，因为贪佢够香口，煮得够地道发现呢度嘅水煮牛肉原来都唔错，尤其是啲芽菜！竟然煮得咁爽咁脆口，另外也可以因应个人口味调节辣度。另外酸萝卜炒猪肚竟然辣过水煮牛肉，酸萝卜嘅数目都多，咬落去酸到牙仔都软，猪肚都洗得几干净，而且煮得几好食。