麵家山下 (已搬遷) 新店位置

话说前两日出咗个食评系上个月中去食𠮶时嘅经验认真麻麻汤底淡如水 又唔够热系得啲配料有惊喜时隔差唔多一个月 今日再去食为咗可以同上次比较叫番一样嘅酱油汤底细面不过今次就冇叫拉面DX而系叫咗叉烧拉面都系一样嘅流程叫完嘢食上阁楼等等咗一阵就有人送面上嚟首先第一样嘢 今次个汤温度啱啱好!热得嚟又唔会热到摆唔到落口!第二件事 今次个汤头同上次好大分别!虽然酱油汤底都系冇酱油味但系今次好清楚食得出汤底系用猪骨煲咗好耐嘅味道同口感虽然咸度都系比较不足但系绝非上次𠮶种卖净蔗沟水嘅感觉细面硬度啱啱好值得一提再提嘅系呢度嘅叉烧真系极品我唔系讲话香港嚟讲算系极品(因为香港九成嘅"拉面店"都系九唔搭八)而系比日本本土好多出名嘅拉面店都出色!近乎入口化开嘅口感 真系唔系度度有食得出今次真系所有方面都有用心去做本身谂住食埋今次奶嘢嘅𧮪就以后唔使帮衬依家觉得绝对可以再嚟试下如果汤底嘅味道再出啲就更加好唔知店家会唔会睇到呢篇食评不过我都想讲一句做食店呢家嘢付出咗几多心机食客一食就知请继续保持水准!