一本冰室

营业中

休息中

心血来潮约朋友食晚饭，拣左佢楼下嘅一本，之前做日本餐唔多掂，试下重身转做茶餐厅嘅佢先。晚市特价小菜$68，已经有例汤，餐饮同白饭，好抵食㖞。点左两样野一齐食，谂住唔饱嘅话就去食埋糖水😆🥢例汤红青萝卜猪骨汤，有阵烧猪骨嘅味道，几甜，最正系佢热辣辣。🥢啫啫芥兰肥牛煲铁锅上仲意外地大煲，芥兰同肥牛都份量多，有镬气味道浓，有大排档feel，正😍🥢椒丝腐乳通菜炒牛肉同样系菜加牛肉，但风味不同🤪呢碟系滑牛，个人就钟意肥牛多啲嘅。通菜都大碟，个腐乳味唔够，偏淡啲，都唔差嘅。🥢白饭一大碗，饭香欠奉但至少够热，软硬适中。🥢奶茶红豆冰 & 热柠水红豆几绵唔过甜，热柠水正常。特饮好似加$8，无其他杂费，抵食啦。