新軒尼詩茶餐廳 (已結業)

以前一直都有去开展览，咁就曾经去过湾仔新轩尼诗餐厅度食嘢，𠮶阵时去系抱住一个求其嘅心态，谂住食饱就算，点知食咗个午餐洋葱猪扒饭，真系超级难食，我觉得$50左右连饮品真系唔抵。😡但系最近去完美食展，再俾多次机会呢间餐厅，再叫同一样嘅嘢洋葱猪扒饭，点知今次为我带来嘅唔系失望，而系惊喜！以前嘅洋葱猪扒饭冇洋葱，依家有，不但只猪扒好大块好抵食，味道仲好好，而且卖相都10分吸引，同样系$50蚊，质素竟然大大提升🤤，我都忍唔住开口同老板讲以前同而家嘅差别，老板都多谢我俾多次机会佢哋，佢仲叫我试埋佢哋嘅鸡排，我睇都有其他客人食都系好大块，嚟紧就电脑展，决定再去多次，试埋𠮶个鸡扒饭。我认为做饮食呢行其实好难，加上佢哋个场特别系中午嘅时候好忙，系咁嘅情况下都可以比到以呢个价钱呢个质素，香港茶餐厅嚟讲系10分唔错！加上我以前食过同埋而家嘅比较之下，我见到佢哋不断既改进，加油，虽然打评论之前见到好多唔好嘅评论，但系唔紧要，正所谓唔可以一试定生死，我认为曾经觉得好差嘅朋友，都可以再去试多次，试吓佢哋而家嘅猪扒饭或者鸡扒饭，加油，希望你哋嘅质素可以保持落去！👍🏼