影片
更多
2021-01-09
4277 浏览
其实不是第一次帮衬，今次为大家写一下经验吧！ 由于疫情下禁止晚市堂食，唯有食午餐（咦，原来照course数系7度，哈～ 大吉利是！） 1. 头盘系海胆鱼子多士，味道非常丰富，鱼子鲜味很出，几乎盖过海胆味，多士松脆唔干，好好味！ 2. 高汤内含萝卜鸡肶菇和蓝龙虾－高汤味超浓，浓到有啲似“师傅汤”，连菊花瓣一齐饮，味道变得不一样；萝卜又冧又入味；但鸡肶菇就烂劈劈 菇味道古怪，唔钟意；蓝龙虾就5成熟，好滑好鲜甜。 3. 三款sashimi － • 木鲷包昆布：昆布硬如塑胶，口感不好，汁又太酸• 一贝类（类似象拔蚌，但唔记得咗），配柚子汁，好爽口但也是汁太酸• 深海池鱼，又系得个酸字佢话师傅故意唔用Wasabi ，避免令味觉迟钝，但对我来说酸盖过了鱼味，不甚可口。 4. A4和牛，5成熟，底层煎至全，正好令到口感不会太油腻，配了三种酱：牛骨熬的汁（咸咗少少），洋葱酱（好甜我钟意），黑蒜酱（混入洋葱酱一齐食味道刚刚好）。 朋叫了wine pairing ，有4杯sake ，全是较特别的（不过我对酒无研究，唔扮识了），这和牛配了aged16年的原酒，忌廉汽水咁嘅淡黄色，叫原酒系因为没有经过消毒过
由于疫情下禁止晚市堂食，唯有食午餐（咦，原来照course数系7度，哈～ 大吉利是！）
1. 头盘系海胆鱼子多士，味道非常丰富，鱼子鲜味很出，几乎盖过海胆味，多士松脆唔干，好好味！
2. 高汤内含萝卜鸡肶菇和蓝龙虾－高汤味超浓，浓到有啲似“师傅汤”，连菊花瓣一齐饮，味道变得不一样；萝卜又冧又入味；但鸡肶菇就烂劈劈 菇味道古怪，唔钟意；蓝龙虾就5成熟，好滑好鲜甜。
3. 三款sashimi －
• 木鲷包昆布：昆布硬如塑胶，口感不好，汁又太酸
• 一贝类（类似象拔蚌，但唔记得咗），配柚子汁，好爽口但也是汁太酸
• 深海池鱼，又系得个酸字
佢话师傅故意唔用Wasabi ，避免令味觉迟钝，但对我来说酸盖过了鱼味，不甚可口。
4. A4和牛，5成熟，底层煎至全，正好令到口感不会太油腻，配了三种酱：牛骨熬的汁（咸咗少少），洋葱酱（好甜我钟意），黑蒜酱（混入洋葱酱一齐食味道刚刚好）。
朋叫了wine pairing ，有4杯sake ，全是较特别的（不过我对酒无研究，唔扮识了），这和牛配了aged16年的原酒，忌廉汽水咁嘅淡黄色，叫原酒系因为没有经过消毒过滤等正常工序，有点似whiskey 的香味，几得意。
5.松叶蟹意大利饭，用芝士煮，撒上少量炸过的野米增加口感，的确脆脆地几特别，意日fusion ，有超浓的蟹腥味但不是难受的腥味，中间有一层陈醋泡泡好鬼咸，但总括来说是可口的。
6. 甜品有点古怪，佢话系蕃茜蓉垫底（但明明系蕃薯蓉），上面放了焦糖舞茸菇，焦糖雪糕，蕃茜根脆片，伴以杏仁泡泡，虽然有点古怪，但可以话有特色。
7. 蜜糖茉莉茶加入梨蓉，好鬼酸，有创意又好看可惜唔好味，另有红桑子啫喱底部加沾了酸粉，味道竟然很有层次，甜酸苦都齐。
份量唔多，正好不会太饱，但咖啡／茶欠奉，有点不完满，上次晚餐present 很精致的茶，反正无晚市，我觉得可以收晚餐价当晚餐咁serve。
张贴
