影片
更多
2019-12-17
447 浏览
星期日去开石硖尾一带，又唔熟路嘅情况下，就拣咗间门面有LED 灯嘅翠苑餐厅帮衬。一入去，职员已主动帮手揾位，由于午餐时间，人流较多，所以安排我哋二人坐在圆枱，由于对于冷气风位，职员知道后叫我哋先坐一阵，转头便换咗卡位搭枱。职员服务态度不错，加上餐厅内布置了不少圣诞装饰，仲有个1比1会有歌声同会喐嘅圣诞老人，可以话有诚意。但有样要改善嘅地方系抹枱嘅布，职员一抹后就出现一酸臭味，好明显系抹布唔干净。讲返食嘢先：1. 奶酱多士，落单后超快上枱，炼奶同花生好多，但块面包唔脆，应该唔系即烤2. 焗芝士石斑饭连餐汤热饮($68)，饭底炒过再焗，有诚意，但石斑无味应该喺不知名雪鱼柳。而餐汤叫咗忌廉汤，内里有鱼肉，但有好多细鱼软骨，感觉一般。焗饭食到尾有饭焦，食落似煲仔饭多D整体嚟讲，茶餐厅职员有礼貌，如果能够定期更换抹布会更加好。
星期日去开石硖尾一带，又唔熟路嘅情况下，就拣咗间门面有LED 灯嘅翠苑餐厅帮衬。
一入去，职员已主动帮手揾位，由于午餐时间，人流较多，所以安排我哋二人坐在圆枱，由于对于冷气风位，职员知道后叫我哋先坐一阵，转头便换咗卡位搭枱。职员服务态度不错，加上餐厅内布置了不少圣诞装饰，仲有个1比1会有歌声同会喐嘅圣诞老人，可以话有诚意。
但有样要改善嘅地方系抹枱嘅布，职员一抹后就出现一酸臭味，好明显系抹布唔干净。
讲返食嘢先：
1. 奶酱多士，落单后超快上枱，炼奶同花生好多，但块面包唔脆，应该唔系即烤
2. 焗芝士石斑饭连餐汤热饮($68)，饭底炒过再焗，有诚意，但石斑无味应该喺不知名雪鱼柳。
而餐汤叫咗忌廉汤，内里有鱼肉，但有好多细鱼软骨，感觉一般。
焗饭食到尾有饭焦，食落似煲仔饭多D
整体嚟讲，茶餐厅职员有礼貌，如果能够定期更换抹布会更加好。
张贴
