無肉食 (如心廣場二期) (已結業)

之前去开佐敦分店，非常ok，但之后执咗。谂住荃湾店应该差不多，所以去试吓。但系比较下系有分别。1）啲食物唔热，只系微暖。2）啲油炸嘢个粉好厚，非常油。3）食物种类相对较少。3）甜品种类相对较少。我食夜晚，六点开始食，大概7点走。佐敦店都有几款糕点，但系荃湾店到我走都只系有姜汁糕，可能太早未出哂挂。相比起佐敦店，荃湾店亦有好嘅地方：1）经常 refill。啲姐姐真系经常留意住，啲食物差不多无就 refill. 2) 工作人员好帮手。间野系自助形式，有啲客人唔多清楚啲碗碟点放，啲工作人员都会教啲人客点样放。3）个汤除咗咸咗啲啲之外，真系唔错。我都饮咗两碗。整体唔系咁差，但因为有比较，所以觉得有改善空间。间野好多人食，夜晚最好先订位。