影片
更多
2024-02-19
125 浏览
长洲街坊茶餐厅刘平记执咗后, 最爱既炸鱼早餐冇咗好耐. 有日行过见有街坊响度食, 话都ok, 试咗几次早餐啦All day breakfast 响长洲黎讲算抵食 ($68, 过年后再加咗价)炸鱼都似样, 加咗新元素沙律菜, 感觉上几清新 ($48, 过年后再加咗价)个名改得做茶啡寄, 茶啡行头, 但杯奶茶极唔掂, 劲苦劲涩, 廿四味咁味, 系不停浸住啲茶叶劲煲𠮶只, 茶水部阿姐仲话系要咁样保温, 只系茶太浓㖞🙃 怀疑茶水阿姐本身唔饮奶茶既🤨讲完奶茶到咖啡, 试过Latte同榛子咖啡, 口味都比较淡, 特浓朱古力都系, 沟好多水, 只当系一杯跟餐饮品可以接受, 加钱就免了间铺仲系新, 落单有啲混乱, 反蛋变炒蛋, 肠仔变火腿, 店员都好有礼貌, 会帮手换, 又会亲身埋黎say sorry总括黎讲店家要明确定位系食物定饮品, 而家好似两头唔到岸, 两边都有好大进步空间.仲有好多野未试, 会继续帮衬, 加油👏🏻加油👏🏻
All day breakfast 响长洲黎讲算抵食 ($68, 过年后再加咗价)
炸鱼都似样, 加咗新元素沙律菜, 感觉上几清新 ($48, 过年后再加咗价)
个名改得做茶啡寄, 茶啡行头, 但杯奶茶极唔掂, 劲苦劲涩, 廿四味咁味, 系不停浸住啲茶叶劲煲𠮶只, 茶水部阿姐仲话系要咁样保温, 只系茶太浓㖞🙃 怀疑茶水阿姐本身唔饮奶茶既🤨
讲完奶茶到咖啡, 试过Latte同榛子咖啡, 口味都比较淡, 特浓朱古力都系, 沟好多水, 只当系一杯跟餐饮品可以接受, 加钱就免了
间铺仲系新, 落单有啲混乱, 反蛋变炒蛋, 肠仔变火腿, 店员都好有礼貌, 会帮手换, 又会亲身埋黎say sorry
总括黎讲店家要明确定位系食物定饮品, 而家好似两头唔到岸, 两边都有好大进步空间.
仲有好多野未试, 会继续帮衬, 加油👏🏻加油👏🏻
题外话/补充资料：
请参考「香港奶茶研究所」冲奶茶方法, 杯茶唔掂真系争好远
(以上食记乃用户个人意见 , 并不代表OpenRice之观点。)
张贴