京都大酒樓

营业中

休息中

郊游完出返去大埔市中心同屋企人食晚饭。六点半去到嘅时候成个场得五六张枱。坐落一阵先多番三张大枱客。平日晚市景况都几凄凉。做紧推广，每人有半只乳鸽，但系如果用呢个推广就唔可以嗌片皮鸭。喺左右为难嘅情况下，最终都系拣咗片皮鸭，另外加咗份二食。片皮鸭做得几好，唔会太干又唔会剩系得皮都有肉连住。同埋个份量都对得住食客，啲薄饼皮亦都有分层呢度值得一赞。另外点咗个客家豆腐，个汁就煲咗少少，卖相就唔系咁好，但系豆腐都几滑。另外嗌咗一下酸菜石班鱼，酸辣做得几恰当。不过就唔系好钟意佢将啲鱼头鱼尾，炸完之后垫底。系望落去大啲，但系食酸菜鱼就净系想食鱼片。二个砂锅云吞鸡，云吞啲虾肉几爽口，只鸡都好嫩滑。个茄子炒鸭件美中不足嘅系佢个芡汁同豆腐d汁系一模一样。其实啲嘢食中规中矩，亦有进步空间。