影片
更多
2021-11-09
314 浏览
最近返工有度日如年嘅感觉，终于挨到星期五喇😭，放工后一定要同朋友啤啤佢，享受吓Happy Friday。我哋去咗位于铜锣湾嘅「The Madhouse CWB」食饭，拣呢度系因为我之前去过旺角店，知佢有酒饮又有嘢食，一次过满足两个愿望✌🏻。餐厅以嘉年华做主题，水吧位有个类似旋转木马嘅装置🎠，着晒灯好鬼靓。同时，两边墙身都各有特色，其中一边列出Drink List，而对面就系一幅色彩缤纷嘅大墙画🌈，望见图入面啲游戏设施不禁令人好开心。男店员服务亲切，主动问及我哋想饮啲乜，并作出介绍。老实讲我对啤酒冇乜研究，一时间见到有咁多款，实在唔知点拣🙈。最终我要咗来自英国North Brewing嘅California Pale Ale($88)，呢款属于淡啤酒🍻，呈琥珀色，苦味低，易入口，几啱女仔饮。由于朋友作病，所以拣咗无酒精嘅Pink Lemonade💕($88)，虽然有啲扫兴，不过佢𠮶杯都好饮嘅，饮得出有柠檬同石榴香。泰式黄咖喱啖啖蟹肉粗管通Crabby Curry Rigatoni($218)，菜式嘅每一部份都好吸引🤤。首先酱汁选用咗黄咖喱🥘，而唔系一般嘅忌廉或茄酱，咁样能够为Pasta带
最近返工有度日如年嘅感觉，终于挨到星期五喇😭，放工后一定要同朋友啤啤佢，享受吓Happy Friday。我哋去咗位于铜锣湾嘅「The Madhouse CWB」食饭，拣呢度系因为我之前去过旺角店，知佢有酒饮又有嘢食，一次过满足两个愿望✌🏻。
餐厅以嘉年华做主题，水吧位有个类似旋转木马嘅装置🎠，着晒灯好鬼靓。同时，两边墙身都各有特色，其中一边列出Drink List，而对面就系一幅色彩缤纷嘅大墙画🌈，望见图入面啲游戏设施不禁令人好开心。
California Pale Ale
$88
6 浏览
0 赞好
0 留言
泰式黄咖喱啖啖蟹肉粗管通
$218
4 浏览
0 赞好
0 留言
泰式黄咖喱啖啖蟹肉粗管通Crabby Curry Rigatoni($218)，菜式嘅每一部份都好吸引🤤。首先酱汁选用咗黄咖喱🥘，而唔系一般嘅忌廉或茄酱，咁样能够为Pasta带嚟新鲜感，而佢嘅咖喱香而不辣，符合大众口味。🦀蟹肉系另一主角，除咗面头有一大堆之外，其实仲好均匀咁渗透喺通粉内，所以每啖都食得到，非常足料。粗管通粉好大粒，中间挂满汁，而口感亦几爽弹。
墨墨卷
$158
3 浏览
0 赞好
0 留言
墨墨卷Mexi Fajitas($158)，墨西哥美食一向惹味🇲🇽，而呢个墨墨卷亦唔例外。烤鸡同薄饼分开上，再交由客人自行组装。铁锅里面装住鸡肉、洋葱同埋三色椒，佢哋全部都好有镬气，用薄饼包裹食，再沾埋酸忌廉同辣酱，味道层次丰富🌮，但唯一可惜嘅系薄饼得三块，唔够包！
邪恶炸猪腩
$108
10 浏览
0 赞好
0 留言
邪恶炸猪腩 Ugly Fried Pork Belly($108)，呢个小食富有泰国风味🇹🇭，造型有啲似泰式咸肉，但又同叉烧撞样，哈哈。脆炸猪腩肉嘅外皮令我联想起港式烧腩仔🐷，肉质唔嚡，简单用盐调味已经唔错，而佢就更加附上泰式酸辣汁作伴，以进一步提升滋味。
法式焦糖姜姜蛋Ginger Crème Brûlée($68)，甜品有少少令人失望，可能因为有期望落差。🥚炖蛋卖相一般，温度较冻，口感略嫌唔够滑，不过幸好有姜味搭救。
总括嚟讲，Madhouse呢个嘉年华令人乐而忘返🎡，你可以喺度享受美食兼放松心情，而环境又够舒服，难怪小店咁受欢迎，全场爆满啦！如果喺铜锣湾想饮嘢嘅话，我会推介佢🌟。
张贴
