YOLO Cafe & Bar (已結業)

旺角最多系楼上cafe，今次系染布房街揾到一间系地舖嘅cafe, 我系夜晚食，环境比较有情调，啱晒情侣来食晚餐，座位亦都坐得比较舒服。餐厅系用QR code 自助落单，非常方便，食物种类都多，有all day breakfast，Egg Benedict，沙律，饭，意粉等，咁我叫咗个鸡胸意大利蕃茄饭，同黑松露薯条。饮品选择比较多，其实餐厅名系Yolo Cafe & Bar, 所以佢嘅drink list 系有Alcohol 同埋Cocktail & Mocktail ，咁我就叫咗杯季节限定嘅Violetabe。食物好快上枱，饭唔系加普通蕃茄酱落去煮，饭中有原粒蕃茄肉，再加上碎芝士，配上鸡胸肉，个饭好快比我KO 咗。黑松露薯条唔使讲，当然系必叫，粗身薯条配黑松露酱，抵赞吖Violetabe，系紫苏叶加柠檬梳打，饮落甜甜地，但都好开胃。下次可以约埋班闰蜜一齐嚟chill 吓，饮番杯Alcohol drink ，谂起都开心吖🥳🥳🥳🥳